Mellora da eficiencia enerxética e reforma interior do Auditorio Municipal.

A) Menor prezo ofertado, ata un máximo de (60 puntos). Este criterio avaliarase en función da fórmula establecida no anexo correspondente do presente prego.

Deberán presentar unha Memoria descritiva da planificación de obra, organización dos traballos e precaucións e medidas que se comprometa a tomar o licitador co obxectivo de que se minimice a interferencia da execución da obra na actividade ordinaria da escola de música, que deberá continuar o seu funcionamento durante o desenvolvemento da mesma. Para confeccionar esta memoria os licitadores poderán utilizar a información recollida no calendario lectivo e o horario de clases que se lles achega, considerando especialmente o feito de que as clases son principalmente pola tarde. Tamén poderán realizar unha visita ás instalacións. O momento e forma desta visita concretarase durante o período de presentación de ofertas. Na memoria terase en conta todo o que interfira no normal desenvolvemento da actividade: tanto a xeración de ruídos que dificulten a actividade docente, como da ocupación de espazos nos que se desenvolva esta, a obstrución con materiais, etc. Valorarase: - O coñecemento do desenvolvemento da obra e das posibles interferencias na actividade docente demostrados polo licitador (ata 4 puntos) - A planificación dos traballos e a efectividade de medidas propostas para minimizar o impacto (ata 4 puntos) - A concreción e por tanto o nivel de esixibilidade dos compromisos adquiridos, que pasarán a ser consideradas condicións especiais de execución. (ata 4 puntos) Máximo 20 páxinas formato A4 letra tamaño 11. Ningún criterio obxectivo (incluido a reducción de prazo

B) Ampliación do período de garantía esixido, ata un máximo de (6 puntos). Valorarase con ata 6 puntos a ampliación do prazo de garantía sobre o mínimo legal ata un máximo de 2 anos adicional, a razón de:. 12 meses de ampliación -> Total 24 meses de garantía = 3 puntos. 24 meses de ampliación -> Total 36 meses de garantía = 6 puntos.

C) Redución prazo de execución (7 puntos) Valorarase a redución do prazo de execución nun máximo de 2 meses, a razón de 3,5 puntos por mes de redución; supoñendo a máxima redución na execución, un período de execución de obra de 9 meses. Sen redución de prazo de execución = 0 puntos. Con redución de prazo de execución dun (1) mes, sendo o período de execución total 10 meses = 3,5 puntos. Con redución de prazo de execución de dous (2) meses, sendo o período de execución total 9 meses = 7 puntos.

D) Oferta de melloras (15 puntos) As melloras posibles son 3 (tres): Mellora 1 (6 puntos): Renovación da ventana. Refírese á situada na pasarela que une o volume norte co volume sur pola fachada este do edificio. Mellora 2 (4 puntos): Aumento das prestacións acústicas dos vidros. Sustituindo os vidros nas partidas por outro dobre de similares prestacións emisivo e co resto de características descritas no informe de melloras emitido polo técnico redactor do proxecto. Mellora 3 (5 puntos): Reformar o aseo accesible. Asemade incorporarase a estancia anexa destinada a almacén para conformar un novo aseo con ducha para usuarios do centro cumprindo a normativa actual de accesibilidade. De conformidade co informe de melloras emitido polo técnico redactor do proxecto.